ريهام سعيد تفجر مفاجأة: أعاني من السحر الأسود بعد السكر وكورونا! وتكشف: أنا عارفة من عمل فيا كده!
كشفت الممثلة والإعلامية ريهام سعيد عن تعرضها للسحر الأسود بوقف الحال والعمل والمرض والطلاق وأنها بسبب هذا السحر لا تستطيع قراءة الاذكار والتسبيح وتعاني من أجل استكمال الصلاة، وقالت إن زميلة منافسة لها هي من أعدت هذا السحر لتدميرها.
جاء هذا التصريح بعد إعلان إصابتها بمرض السكر، ثم معاناتها مع فيروس كورونا ومضاعفاته على الرئة.
وظهرت ريهام لجمهورها عبر بث مباشر بحسابها على موقع الفيس بوك، وقالت: قضيتي إني مؤمنة إن كل شوية بيتعمل لي سحر بوقف الحال والشغل والمرض والطلاق والناس بتاعة ربنا اللي مش بيبقى ليها في الدجل والشعوذة بيقولولي إن أنا معمول لي سحر وكل ما يتفك الجهة دي بتجدده وللأسف هي مش جهة واحدة اللي بتعمل كده ناس كتير أوي وأسبابهم مختلفة.
مضيفة أن هناك علاقة وثيقة بين الآثار والسحر وأن معظم من يعملون في السحر يعملون في التنقيب عن الآثار والدليل على ذلك أنها لاحظت تغير حياتها رأسا على عقب بعدما ذهبت لمنزل 5 فتيات في إحدى حلقات برنامجها قالوا إن منزلهم تحته آثار ولذا حدث لهن مس.
وتابعت: طبعًا كل اللي بيحصل بإذن الله ومن عند ربنا فأنا مقتنعة أن كل اللي بييجي من عند ربنا خير لكن أنا تعبت من موضوع السحر لأن بيحصل أمور غير طبيعية ولا تتوافق مع قدراتك” مشيرةً إلى أن الداعية مصطفى حسني قال لها إن سورة البقرة قوية جدًا.
مضيفة: كل ما أجي أمسك سبحة لعمل أذكار الصباح والمساء يحصل حاجة ومعرفش أقولها.. فعلاً الحاجات دي مُتعبة والناس اللي بتعمل فيّ كده مش عايزة تهدأ غير لما تقضي علىّ خالص.. أنا زهقت وفكرة أن حد يأذيني بتبقى صعبة أوي، عايزة اقرأ سورة البقرة كل يوم وعايزة أعمل أذكار الصباح والمساء وبدعي ربنا أن يبعد عني هذا السحر، والحسد صعب أنا لما بصلي بنهار من الدموع وقرأت لشيوخ بيقولوا أن ده من علامات الحسد.
وأكدت ريهام أنها تعلم جيدا من وراء هذا السحر وقالت: عندي زميلة عايزة تدمرني وبتشتغل من تحت والأذية أخرتها مش حلوة خالص وكله هيرجع، ودعت متابعيها لقراءة سورة البقرة يوميا للتخلص من السحر.
